Telegram каналимизга аъзо бўлинг
Назм

Мирзо Кенжабек: “Ўзингдан ўзгани севдирма, ё Раб!”

1189

Ватан деб қон ютган қалблар, ҳалаксиз,
Асл макондан ҳам қолманг дараксиз: 
«Аллоҳдан қўрқингиз ва билинг, шаксиз, 
Унинг ҳузурида тўпланажаксиз!»
* * * 
Сўзлаш самодаги малойик билан, 
Сирлашма кўп аҳли алойиқ билан. 
Ошиқ, Гўрўғлидек ўзингдан қолма, 
Ишқ иши битмагай халойиқ билан.
* * * 
Дўст, майли, туҳмат қил, ҳақорат қилгин, 
Тангрим, сен сабрга ишорат қилгин. 
Қалбимга урилган ҳар бир озорни 
Бирор гуноҳимга каффорат қилгин.
* * * 
Қонун йўқ ишқ деган қонундан бўлак, 
Қисмат! Бас, сўрмагил қонимдан бўлак. 
Рақиб борин тикди жонидан бошқа, 
Менинг ҳеч нарсам йўқ жонимдан бўлак.
* * * 
Кўзимдан ёш кетиб, қурғоқ бўлурман, 
Шарбат ичган сари қақроқ бўлурман. 
Йиллар йўлларингда йиғлаган сайин 
Вужуд лойим қуриб, тупроқ бўлурман. 

* * * 
Кўнглимга дунёни сиғдирма, ё Раб,
Бўйнимни ўзгага эгдирма, ё Раб!
Мажоз деб хор бўлдим, қолган умримда 
Ўзингдан ўзгани севдирма, ё Раб!

Мирзо Кенжабек

УЛАШИНГ:

Теглар:

Мавзуга доир:

Эрдоған бу сафар Чўлпоннинг шеъридан мисол келтирди

5046 08:53 30.03.2022

Шеър тинчлик ва осойишталик учун куйланадиган гўзал қўшиқдир

437 17:05 24.03.2022

Қаддингни ростла!

1917 22:00 15.05.2021

Дил аро ёдинг мужассам...

1369 07:00 06.05.2021

Рамазонда рўза тутганлар

1133 20:00 03.05.2021

Хуш келдинг қалбимга, моҳи Рамазон!

1015 18:30 12.04.2021
« Орқага