Москванинг жануби-шарқидаги Кузминки метро бекати яқинида, душанба куни кечқурун юздан ортиқ муҳожир иштирокидаги оммавий муштлашув содир бўлган.
«Уларнинг катта қисми Марказий Осиё мамлакатларидан келган муҳожирлардир. Можаронинг сабаби аниқланмоқда», - деган манба.
Гувоҳларнинг сўзларига кўра, можаро пайтида тўхтаб турган бир нечта машиналар зарар кўрган. Маълумотларга кўра, гўёки 11 июл куни Химки шаҳрида тожикистонликлар томонидан Қирғизистоннинг икки фуқароси пичоқлангани айтилган. Полиция жанжалнинг 94 иштирокчисини ҳибсга олган. Жанжал пайтида иштирокчилар йўлга чиқиб қочиб, машиналар ва пиёдаларга ҳалақит беришган.
Шунингдек, тиббий хизматдаги манбасига асосланиб, ТАСС муштлашув натижасида бир неча кишидан баъзилари пичоқ билан жароҳат олгани, бир нечта жабрланганлар касалхонага ётқизилгани ҳақида хабар берган.
