Халқаро Миграция Ташкилоти (ХМТ) Ливиянинг Чад билан чегарасида 20 нафар муҳожир жасади топилганидан чуқур афсусдалигини билдирди, дейилади ташкилот баёнотида.
Ҳодиса 29 июнь куни Ливия жанубида, Чад билан чегарадош Саҳрои Кабир ҳудудида содир бўлган. Ноқонуний муҳожирлар ташналикдан вафот этган.
“Ливия чўлида 20 кишининг ўлими нафақат халқаро ҳамжамият учун қўнғироқ, балки 2030 йилдан бошлаб ҳеч кимни четда қолдирмаслик тамойилини амалга оширишдан қанчалик ожиз эканлигимизнинг ифодасидир”, — деди ХМТ Ливиядаги миссия раҳбари Федерико Сода.
Федерико Сода Ливия чўлида ҳам, Ўрта ер денгизида ҳам муҳожирларнинг ўлимининг олдини олиш мумкин бўлган ва "қабул қилиб бўлмайдиган" ҳақиқат эканлигини таъкидлади.
Ливия жанубидаги Саҳрои Кабир чўли ноқонуний муҳожирлар учун энг хавфли йўллардан бири саналади. 2014 йилдан бери минтақада камида 2000 муҳожир ҳалок бўлган.
