CАВОЛ: 

Таҳорат олаётганимда мустаҳаб пайтида кийимларимга ва баданимга сув сачрайди. Шу кийимимда намоз ўқишим мумкинми?

ЖАВОБ:

Мустаҳаб қилганда нажосатни ювиб тушаётган сув кийимни ҳам баданни ҳам нажосат қилади. Натижада ўша кийим ёки баданни ювиш шарт бўлади. Лекин мустаҳаб қилганда сув нажосатни ювиб тушмаётган бўлса, у сув теккан кийимни ҳам, баданни ҳам ювиш шарт эмас.

Мустаҳабда ҳали нажосат тўла ювилиб кетганига кўнгил қарор топмаган бўлса, у сув нажосатдир, теккан нарсасини нажосат қилади. Агар нажосат тўла ювилганига кўнгил қарор топгандан кейин ювилган сув покдир, кийимни ва баданни нажосат қилмайди. Валлоҳу аълам.

Манба: Ўзбекистон мусулмонлари идораси Фатво маркази