Telegram каналимизга аъзо бўлинг
Ислом

Намознинг 21 фазилати

4349

Намознинг фазилати ва унга аҳамият бериб қизиқтирилган ҳадислар жуда ҳам кўп. Лекин уларни иҳота қилиб, тўла англаш бироз мушкул бўлгани сабабли, бу ўринда қисқа ва қизиқарли ҳадисларни келтирамиз:

1. "Аллоҳ инсонларга ўз динларида биринчи фарз қилган нарса – намоздир. Охири қоладигани ҳам намоздир. Аввал ҳисоб-китоб қилинадигани ҳам намоздир".

2. "Аллоҳдан намоз тўғрисида қўрқинг, Аллоҳдан намоз тўғрисида қўрқинг, Аллоҳдан намоз тўғрисида қўрқинг".

3. "Киши билан ширк ва куфр орасидаги фарқ – бу намозни тарк қилишликдир".
(Муслим ривоятлари).

4. "Намоз диннинг устунидир".

5. "Намоз шайтоннинг юзини қорайтиради".

6. "Намоз нурдир".

7. "Сажда изини дўзах ютмоқлигини Аллоҳ ҳаром қилди".

8. Абдуллоҳ ибн Масъуд розияллоҳу анҳу: Расулуллоҳ соллаллоҳу алайҳи васалламдан: "Қайси амал Аллоҳга маҳбуброқI» деб сўраганларида, Расулуллоҳ соллаллоҳу алайҳи васаллам: "Вақтида ўқилган намоз", дедилар.

9. "Бирор банданинг ҳолати Аллоҳ уни саждада кўрганидан кўра маҳбуброқ эмас. Унинг юзи тупроқдалигидаёқ мағфират қилинади".

10. "Банда Раббисига энг яқин бўладиган пайт саждадаги вақтидир".

11. "Жаннатнинг калити намоздир".

12. "Диндаги намознинг ўрни худди жасаддаги бошнинг ўрнига ўхшайди".

13. "Кимки чиройли таҳорат қилиб, сўнгра туриб икки ракат ёки тўрт ракат (ровий шак қилдилар) намоз ўқиса, унда рукуъ ва хушуъларини чиройли қилиб, Аллоҳга истиғфор айтса, унинг гуноҳларини Аллоҳ кечиради".

14. "Кимки беш вақт намозни рукуъ ва саждаларига риоя қилиб, ўз вақтида адо этса ва Аллоҳ томонидан ҳақ эканлигини билса, жаннатга киради. Ёки жаннат вожиб бўлади. Ёки дўзах ҳаром бўлади".

15. Расулуллоҳ соллаллоҳу алайҳи васалламдан "Қайси амал афзал?" деб сўралганда, у зот: "Аввалги вақтида ўқилган намоз", дедилар.

Фиқҳул авлавийёт ёхуд мусулмон бўлмак недир?

Муҳкам ва муташобиҳ оятлар ҳақида...

16. Расулуллоҳ соллаллоҳу алайҳи васалламдан "Қайси амал Аллоҳга маҳбуброқ?" дейилганда, у зот: "Вақтида ўқилган намоз", дедилар.

17. "Кимки субҳи намозига борса, иймон байроғи билан борибди. Кимки бозорга борса, шайтон байроғи билан борибди".

18. "Пешиндан олдин ўқилган тўрт ракат намоз саҳарда ўқилганнинг мислидек".

19. "Кимки пешиндан олдин тўрт ракат намоз ўқиса, гўёки кечаси таҳажжуд ўқигандек бўлади".

20. Жаброил алайҳиссалом Расулуллоҳ соллаллоҳу алайҳи васалламга келиб, "Эй Муҳаммад, хоҳлаганингизча яшанг, албатта сиз ўлувчисиз. Хоҳлаганингизча амал қилинг, сиз у билан жазоланувчисиз. Хоҳлаган кишингизни яхши кўринг, сиз ундан ажралувчисиз. Билингки, албатта мўминнинг шарафи кечаси қоим бўлиши ва унинг иззати инсонлардан беҳожат бўлишидадир", деди.

21. "Кечаси қоим бўлишни ўзингизга лозим тутинг, чунки у сизлардан олдинги солиҳ кишиларнинг одати ҳамда Раббингизга яқин қилувчидир. Ва хатолар учун каффоратдир. Ва гуноҳлардан маън қилувчидир. Ва жасаддан дардни ҳайдовчидир".

“Фазоилул аъмол” китобидан

УЛАШИНГ:

Теглар:

Мавзуга доир:

Таровеҳ намози ҳақида баъзи маълумотлар

2083 11:05 17.04.2022

Динимни ўрганаман: жаноза намозида бош тепага кўтариладими?

1515 20:05 04.04.2022

Таровиҳ намози қандай ўқилади?

3153 18:47 01.04.2022

Бобомсиз илк Рамазон...

1085 11:35 01.04.2022

Тошкент шаҳридаги барча масжидларда таровеҳ намози бир кунда бошланиб бир кунда тугайди

2844 14:40 25.03.2022

Жамоадошлари ғалабани нишонлаётганда намоз ўқиган футболчи

2205 13:21 05.03.2022
« Орқага