Тошкент вилояти ҳокимлигининг берган хабарига кўра, «Наврўз» байрами муносабати билан 2022 йил 19 март куни, яъни эртадан соат 05:00 дан 21 март куни соат 24:00 га қадар «Тошкент — Пискент» 4P2 автомобиль йўлининг 29-35 километрларида (Нурафшон шаҳрига кириш ЙПХ постидан Нурафшон шаҳри Давлат хизматлари марказигача) вақтинча автомобиль ҳаракати чекланади.
️Таъкидланишича, ушбу ҳудудда яшовчи аҳоли транспортлари билан маҳаллага кириб чиқишлари учун шароит яратилади.
Хавфсизликни таъминлаш ва умумхалқ байрамини кўтаринки кайфиятда ўтказиш учун йўл ҳаракати қатнашчиларидан чекловларни тўғри қабул қилган ҳолда, ЙПХ ходимларининг кўрсатмаларига қатъий амал қилишларини сўралмоқда.
