Telegram каналимизга аъзо бўлинг
Янгиликлар

Олимлар фиръавн Аменхотеп I ҳақида кўп нарсаларни билиб олишди

7669

Қадимги Миср фиръавни Аменхотеп I нинг мумияланган жасади неча минг йиллар давомида биринчи марта компьютер томографияси ёрдамида ўрганилди. Сканерлаш натижасида олимлар у ҳақида кўп нарсаларни билиб олишди.

Милоддан аввалги 1525-1504 йилларда ҳукмронлик қилган Аменхотеп I нинг мумияси Дайр ал-Баҳри шаҳрида 140 йил муқаддам топилган. Ўшанда археологлар ниқобга ва жасад ўралган кафанга зарар бермаслик учун мумияни очишмаган эди.

Бироқ замонавий технологиялар жасадга зарар етказмаган ҳолда мумияни ўрганиш имконини берди ва олимлар Аменхотеп I ни компьютер томографиясидан ўтказишди. 

Қоҳира университети профессори Саҳар Салимнинг айтишича, Аменхотеп I 35 ёшида вафот этгани маълум бўлди. Бундан ташқари, фиръавннинг бўйи ҳам аниқланди – 169 сантиметр. Аменхотеп I хатна қилинган экан, тишлари соғлом бўлган. Олимлар унинг кийимида ўттизта тумор ва тилла камар борлигини ҳам аниқлашди. 

Доктор Салим фиръавннинг танасида унинг ўлими сабабини аниқлашга имкон берадиган бирор яра ёки касаллик изини топишмаганини маълум қилди. 

Қадимда фиръавнларни мумиялашда жасаддан бош мия олиб ташланган, бироқ Аменхотеп I да бундан қилинмаган. Бундан ташқари, у қўлларини кесишган ҳолда дафн этилган биринчи фиръавн бўлган.

Олимларнинг хулосасига кўра, Аменхотеп I нинг мумияси унинг ўлимидан тўрт юз йил кейин коҳинлар томонидан “таъмирланган”. Сканерлаш жасад кўплаб жароҳатлар олганини ҳам кўрсатди, бунинг сабаби қабр ўғрилари бўлиши мумкин.  

Мумияни тиклашда коҳинлар узилиб кетган бошни қатронга ботирилган зиғир ип билан танага улаб қўйишган, шунингдек, чап қўлни ҳам улашган. 

Доктор Салимнинг фикрича, сканерлаш пайтида жасаддан топилган заргарлик буюмлари ва туморлар коҳинлар уларни кейинги фиръавнлар фойдаланиши учун олиб қўйиши мумкинлиги ҳақидаги назарияларни рад этади.

УЛАШИНГ:

Теглар:

Мавзуга доир:

Катта фиқҳ энциклопедияси: Фиқҳий истеъмолдаги ижтиҳоднинг сифати (таклифий ҳукми)

96 21:50 24.05.2022

«Казбек. Осиё арслони»: хоинлар суҳбати

347 21:10 24.05.2022

«Расуллуллоҳ (соллаллоҳу алайҳи ва саллам) сирлари соҳиби: Ҳузайфа ибн Ямон хулафои рошидин билан бирга 

142 20:40 24.05.2022

Динимни ўрганаман: Қуръон хатми учун пул олиш жоизми?

576 20:05 24.05.2022

Қонундан "диний либос" тушунчаси буткул олиб ташланмоқда

497 19:40 24.05.2022

Ахлоқус солиҳийн: Дунёнинг ҳақирлиги зуҳдни тақозо этади

147 19:05 24.05.2022
« Орқага