Telegram каналимизга аъзо бўлинг
Янгиликлар

Пандемия билан боғлиқ уч сценарий маълум қилинди 

625

Йил охиригача коронавирусни жиловлаш мумкинми? Бу даврда пандемия қандай тус олади? Касалликнинг ортга чекиниши кўпроқ қайси омилларга боғлиқ? 

Жаҳон соғлиқни сақлаш ташкилоти бош директори Тедрос Гебрейесус бу борада уч тахминий сценарийни маълум қилди.

Унинг сўзларига кўра, йил давомида COVID-19 мутацияга учрашда давом этади. Инфекциянинг яна қатор янги штаммлари пайдо бўлиши мумкин. Аммо оммавий эмлаш кўрсаткичлари ошиши ва аҳоли иммунитети кучайиши билан хасталикнинг оғир асоратлари камайиб боради.

  • Биринчи сценарийга кўра, коронавируснинг оғир кечувчи штаммлари пайдо бўлмайди ва касалликка қарши мавжуд вакциналар ёрдамида курашиш кутилган самарани беради. 
  • Иккинчи сценарийга мувофиқ, COVID-19нинг ҳозиргидан ҳам юқумлироқ ва тез тарқалувчи вариантлари юзага келади. 
  • Учинчи сценарийга асосан, одамларни коронавируснинг оғир асоратларидан асраш анча мураккаблашади. Бундай вазиятда янги, янада самарали вакциналар ишлаб чиқариш талаб этилади. 

«Баъзи давлатларда тўртинчи доза билан эмлаш жараёнлари бошлангани қувонарли. Аммо дунё аҳолисининг учдан бир қисми, шу жумладан, Африкада яшовчиларнинг 83 фоизи, ҳатто, биринчи босқичда вакцина олгани йўқ. Бу эса барчамизда хавотир ва ташвиш уйғотиши керак», — деди Тедрос Гебрейесус. 

Жорий йил иккинчи ярмига қадар дунёдаги ҳар бир мамлакат аҳолисининг 70 фоизи тўлиқ эмланишига эришиш устувор мақсад ҳисобланади. Бу жараёнда, аввало, тиббиёт ходимлари, кексалар ва хавф гуруҳига мансуб бошқа қатламни қамраб олишга алоҳида эътибор қаратиш жоиз. 

ЖССТ тиббий ниқоблар, ижтимоий масофа сақлаш, шахсий гигиена қоидаларига қатъий амал қилиш орқали касалликка қарши курашиш самарадорлигини ошириш мумкинлигини таъкидлади.

УЛАШИНГ:

Теглар:

Мавзуга доир:

Саудия Арабистони бу йил Ҳажга қанча зиёратчи келиши мумкинлигини маълум қилди

1333 12:05 09.04.2022

Италиядаги мусулмонлар пандемиядан кейинги биринчи Рамазонни нишонламоқда

573 11:35 04.04.2022

БААга анъанавий Рамазон чодирлари қайтади

767 14:18 16.03.2022

Тезкор: Фуқароларга очиқ ҳавода ниқоб тақмасликка рухсат берилмоқда

624 21:09 23.02.2022

Саудия Арабистонига кириш қоидалари кучайтирилди

991 10:04 04.02.2022
« Орқага