Мамлакат Ички ишлар вазирининг маълум қилишича, Хон полиция ходимларига таҳдиди ва уларни ҳақорат қилгани учун қонун олдида жавоб бериши керак.
Душанба куни собиқ бош вазирнинг юзлаб тарафдорлари унинг пойтахт Исломободдаги саройи олдида йиғилиб, агар у қамалса, ҳокимиятни қўлга олишга ваъда беришди. Жорий йил апрель ойида ҳукумат раҳбари лавозимидан четлаштирилгач, Хон мамлакат раҳбарияти ва армияни қаттиқ танқид қилди.
У апрель ойида ҳокимиятдан ишончсизлик ҳаракати билан четлатилганидан бери бутун мамлакат бўйлаб ўз лавозимига қайтиш истагида оммавий митинглар ўтказмоқда. Крикетчи сиёсатчи ўзининг четлатилиши "хорижий фитна" натижасида содир бўлганини даъво қилмоқда.
Шанба куни Хон Исломобод полицияси бошлиғи ва судьясини Гилл ҳибсга олингани ва унга шафқатсиз муносабатда бўлингани учун очиқчасига қоралади.
«Тайёр туринг, чунки биз сизга қарши чора кўрамиз», — деди у нутқида полиция бошлиғи ва аёл судьяга қарата.
Бунга жавобан расмийлар Хонни ҳукумат амалдорларига таҳдид қилгани учун Покистоннинг терроризмга қарши қонунини бузганликда айблади. Собиқ бош вазир устидан тергов бошлангани маълум бўлгач, унинг Исломободдаги уйи олдига йиғилган юзлаб тарафдорлари, агар полиция уни қамашга уринса, пойтахтни эгаллаб олиш билан таҳдид қилишган. Полициячилар у ерга собиқ бош вазирни ҳибсга олиш учун эмас, тартибни сақлаш учун келганликларини айтишди.
Хон уни полиция ходимлари ва судьяга таҳдид қилганликда айблаган янги айбловлар учун бир неча йиллик қамоқ жазосига ҳукм қилиниши мумкин. Бироқ у ҳукуматга қарши сўнгги кампанияси давомида унга қарши бошқа унчалик катта бўлмаган айбловлар билан ҳибсга олинмаган.
Покистоннинг ҳуқуқий тизимига кўра, полиция одатда айбланувчига қўйилган айбловлар тўғрисида биринчи маълумот ҳисоботини (ФИР) судьяга топширади. Бу эса терговни олдинга силжитиш имконини беради. Одатда, полиция айбланувчини ҳибсга олади ва сўроқ қилади.
Шуни ҳам таъкидлаш керакки, Хоннинг шанба кунги мурожаатини жонли трансляция қилиш регулятор томонидан тақиқлаб қўйилди.
Кейин, якшанба куни кечқурун Хон ҳукуматни сиёсий митингдаги нутқини тақиқлаш учун янаям кескинроқ чоралар кўриб, YouTube'ни вақтинча блоклашгача боришда айблади.
Покистон Телекоммуникация бошқармаси YouTube блокланишни бўйича ҳолатни изоҳламаган.
