Қатар амири Шайх Тамим бин Ҳамад Ал Соний дунё ҳамжамиятини эпицентри Қаҳрамонмарашда бўлган зилзила оқибатларини бартараф этишда Туркияни қўллаб-қувватлашга чақирди.
Қатар амири Доҳада БМТнинг энг кам ривожланган давлатлар бўйича 5-конференцияси очилишида нутқ сўзлади.
«Ҳаммани Туркиянинг зилзилалар оқибатларини бартараф этишга қаратилган саъй-ҳаракатларини қўллаб-қувватлашга чақираман», деди амир ўз нутқи чоғида.
БМТнинг энг кам ривожланган мамлакатлар конференцияси 9 мартга қадар давом этади.
Анжуманда давлат ва ҳукумат раҳбарлари, вазирлар, дипломатлар, юқори мартабали амалдорлар, тадбиркорлар ва бошқа меҳмонлардан иборат 6 мингга яқин киши иштирок этади.
