Бугун Қирғизистон ва Тожикистон чегарасида яна отишма рўй берди, томонлар бир-бирини айблаяпти. Отишма Қирғизистоннинг Боткен ва Тожикистоннинг Сўғд вилоятлари чегарасида жойлашган Қуммозор деб аталувчи ҳудудда келиб чиққан. 

Қирғизистон томони тожикистонликларни чегарадан ноқонуний равишда ўтиб, тозалаш ишларини олиб боришга уринганликда айблаяпти. Тожикистон томони эса ўз ҳудудида шанбалик ўтказмоқчи бўлганини айтяпти. Охир-оқибат икки давлат чегарачилари ўртасида отишма келиб чиққан, томонлар бир-биринчи бўлиб ўқ узганликда айблади. Отишмада яраланганлар ёки ҳалок бўлганлар ҳақида ҳозирча маълумот йўқ.