Қозоғистон Озарбайжоннинг Боку портига 7 минг тонна нефтни синов тариқасида ўтказишни режалаштирмоқда.
“КазТрансОйл” ОАЖ март ойида Қашағон конидан синов тариқасида 7 минг тонна нефтни ўтказишни, кейинчалик Боку порти йўналишига етказиб бериш учун Актау портига экспорт қилишни мўлжаллаяпти. Қашағон нефтини INPEX North Caspian Sea, Ltd жўнатади”, дейилади Қозоғистон компанияси баёнотида.
Россиянинг Қора денгиз соҳилидаги Новороссийск портига нефт жўнатишни таъминловчи Каспий нефт магистрал қувурининг фаолияти Россия ва Украина ўртасида давом этаётган қуролли можаролар фонида бир неча бор тўхтатилган эди. Европага экспорт қилинадиган қозоқ нефтининг қарийб 80 фоизи шу нефт қувури орқали ўтказилади.
Аввалроқ Қозоғистон президенти Қосим-Жомарт Тўкаев Транскаспий йўналиши бўйича нефт ташиш йилига 20 миллион тоннага етказилишини айтган эди.
