Ўзбекистон чегараси яқинида жойлашган Қозоғистоннинг Сариоғоч шаҳри аҳолиси 2-3 балли зилзилани ҳис қилишди, деб хабар бермоқда Кazakhstan today.
Зилзила «Сейсмологик тажриба-услубий экспедицияси» давлат муассасасининг сейсмик станциялари тармоғи томонидан 2021 йил 12 сентябр куни, маҳаллий вақт билан 21:07 да қайд этилган.
Зилзила эпицентри Олмаотадан 669 километр жануби -ғарбда, Қозоғистон ва Ўзбекистон чегарасида жойлашган. Зилзиланинг энергия синфи - 9,1. MPV магнитудаси - 3.7. Чуқурлиги 5 километр. Зилзила Сариоғочда 2-3 балли куч билан сезилди.
