Telegram каналимизга аъзо бўлинг
Янгиликлар

Қозоғистонда таҳсил олаётган  талабалар бугун Тошкентга қайтмоқда

836

Қозоғистонда таҳсил олаётган 35 нафар ўзбекистонлик талаба бугун Тошкентга қайтмоқда, деб хабар қилмоқда «Дунё» АА мухбири.

Ўзбекистоннинг Қозоғистондаги элчихонаси маълумотига кўра, Нарикбаев номидаги Қозоғистон давлат юридик университетида таҳсил олаётган 35 нафар ватандошимиз «Uzbekistan Airways»  ОАЖ  самолёти орқали уйга қайтаяпти.

«Ўтаётган ҳафта давомида ўзбекистонликлар қўшни Қозоғистондаги воқеаларни катта ҳаяжон билан кузатмоқда, - деб ёзган Қозоғистон давлат юридик университетида таҳсил олаётган ўзбекистонлик талабалар ота-оналари қўмитаси раиси Тўра Тўраев ўзининг Телеграм-каналида. - Ва кўпчилик ушбу мамлакатда бўлиб турган ўз яқинлари ҳаёти учун қайғургани ҳақиқат. Булар орасида Нарикбаев номидаги Қозоғистон давлат юридик университетида таҳсил олаётган талабаларнинг ота-оналари ҳам бор.

Ушбу талабаларнинг ота-оналари фарзандларининг тақдири ҳақида қайғуриб, ўзларини қўйишга жой топа олмади. Аммо давлатимиз раҳбари Шавкат Мирзиёевнинг ижтимоий сиёсати ва республика фуқароларига бўлган юксак эътибори туфайли бир неча соатдан кейин бизнинг фарзандларимиз Тошкентга етиб келади.

Барча талабаларнинг ота-оналари номидан фарзандларимизни Ватанга қайтариш бўйича амалга оширилган ушбу саъй-ҳаракатлар учун Ўзбекистоннинг Қозоғистондаги элчихонасига миннатдорлик билдирамиз. Айни пайтда ушбу университетнинг барча талабалари самолётда учиб келмоқда.

Жонажон юртимиз  ва қўшни давлатларда тинчлик бардавом бўлсин».

Эслатиб ўтамиз, Ўзбекистоннинг Қозоғистондаги дипломатия ваколатхоналари одатдаги тартибда фаолият юритмоқда. Зарур ҳолларда Ўзбекистон фуқароларига ҳуқуқий ёрдам кўрсатилмоқда.

УЛАШИНГ:

Теглар:

Мавзуга доир:

Сўз эркинлиги ҳақида сўз

184 09:30 29.05.2022

Катта фиқҳ энциклопедияси: Мислининг ҳақи

259 21:50 28.05.2022

«Казбек. Осиё арслони»: Душманга тузоқ қўйилади

636 21:10 28.05.2022

«Расуллуллоҳ (соллаллоҳу алайҳи ва саллам) сирлари соҳиби: Китобий аёлни талоқ қилишга буюрганда Ҳузайфанинг Умар билан мунозараси

452 20:35 28.05.2022

Ахлоқус солиҳийн: Пайғамбар соллаллоҳу алайҳи ва салламнинг зуҳдлари

266 19:05 28.05.2022

Ҳалол луқма: Абдулкарим билан учрашув

513 18:25 28.05.2022
« Орқага