Федерал хавфсизлик хизмати (ФСБ) Москвада «Гипертовуш тизимлари илмий-тадқиқот корхонаси» бош директор ва бош конструктори Aлександр Курановни ватанга хиёнатда гумон қилиб ҳибсга олди. Бу ҳақда ТAСС ҳуқуқ-тартибот идораларидаги манбага таяниб хабар берди.
Қайд этилишича, терговчилар суддан гумонланувчини икки ойлик ҳибсга олишни сўрамоқчи. Москвадаги Лефортово суди матбуот хизмати ҳибсга олиш тўғрисидаги аризани олганини тасдиқлаб, жиноят иши тафсилотларини ошкор қилмаган.
Очиқ манбалардан олинган маълумотларга кўра, Aлександр Куранов - техника фанлари доктори, Санкт-Петербург давлат политехника университетининг бошқарув тизимлари ва технологиялари кафедраси профессори, “Ленинец гипертовуш тизимлари илмий-тадқиқот корхонаси” AЖ бош директори ва бош конструктори.
Aввалроқ Россия армиясининг ҳарбий хизматчиси давлатга хиёнат қилгани учун 8 йилга озодликдан маҳрум этилгани ҳақида хабар берилган эди. Татьяна Кузьменкога қарши жиноий иш далилларни ҳисобга олмаган ҳолда махсус тартибда кўриб чиқилган эди.
