Ливия Миллий армиясининг раҳбари Халифа Ҳафтар сиёсий ва ҳарбий майдонни тарк этади. Буни Жаҳон иқтисодиёти ва халқаро муносабатлар факултети Шарқшунослик мактабининг катта ўқитувчиси Андрей Чупригин тахмин қилмоқда.
Мутахассиснинг фикрича, Ливия пойтахти Триполига Ҳафтар ҳужуми бутунлай муваффақиятсиз тугади. Унинг сўзларига кўра, дала маршали мамлакатнинг ғарбий қисмидаги базасини тўлалигича йўқотди ва энди унинг фаолиятини тўхтатиш вақти келди.
"Ҳафтар ҳамма учун ноқулай бўлган фигурага айланди, шу қаторда унинг ҳомийлари - Миср, БАА, Саудия Арабистони, улар бунга маблағ киритган ва натижаларни кутишган, аммо натижа йўқ. Йўқотишларни бекор қилиш ва қандайдир қарор қабул қилиш вақти келди ”, - дея таъкидлади Чупригин.
Шарқшуноснинг таъкидлашича, Миллий келишув ҳукуматининг кучлари Шарқий Ўрта денгизда мустаҳкамланишни истаган Туркиянинг кўмаги туфайли Ҳафтар армиясига кучли қаршилик кўрсатмоқда.
Чупригин, Ҳафтар ҳарбий ҳолат эълон қилганидан кейин жуда оғир вазиятда қолганини ва барча тарафдорлари ундан юз ўгирганини айтади. Экспертнинг фикрига кўра, Ҳафтар иккинчи Қаззофий бўлишга интилган ва 76 ёшида бу унинг сўнгги имкониятига эди.
Ливия миллий келишув ҳукумати кучлари Триполининг маъмурий чегараларини тўлиқ назоратга олганлиги ва Ҳафтар кучларидан халқаро аэропорт ва мамлакат пойтахти жанубидаги бошқа ҳудудларни озод этганлигини эълон қилди.
