2022 йил июль ойида Россияда енгил автомобиллар ишлаб чиқариш ўтган йилнинг июлига нисбатан 80,6 фоизга камайган.

Бу ҳақда Росстат маълумотларига асосланиб, ТАСС хабар бермоқда. Шу билан бирга, июнь ойига нисбатан маҳсулот ишлаб чиқариш ҳажми 44,5 фоизга ошди.

2022 йилнинг январь-июль ойларида енгил автомобиллар ишлаб чиқариш ҳажми шу даврга нисбатан 64,2 фоизга камайди ва 300 минг донани ташкил этди.

Июль ойида юк автомобиллари ишлаб чиқариш ўтган йилнинг июлига нисбатан 35,9 фоизга (9,66 минг донагача) ва жорий йилнинг июнига нисбатан 7 фоизга камайган. Етти ой давомида 80,5 минг юк автомобили ишлаб чиқарилди, бу ўтган йилнинг шу даврига нисбатан 20,1 фоизга камдир.

Оғирлиги 5 тоннадан ортиқ бўлган автобуслар ишлаб чиқариш 2022 йилнинг январь-июль ойларида 10,2 фоизга (6,7 мингта автобус ишлаб чиқарилган), 5 тоннадан кам – 41,9 фоизга, 6,3 мингтага камайди.