Пайшанба куни Украинада Россия ракеталари ва учувчисиз парвоз қурилмаларининг кетма-кет зарбалари оқибатида камида 11 киши ҳалок бўлди ва шунча киши яраланди.
Россия босқини натижасида маҳаллий фуқаролардан бири ўз хотинидан айрилгани ҳақида сўзлаб берди.
"Портлаш вақтида хотиним ертўладан чиқиб келаётган эди. Мен уни ушлаб олган эдим. Ўша пайтда бирдан портлаш содир бўлди, иккаламиз ҳам йиқилдик. У менинг устимга йиқилди. Мен турдим, у эса йўқ. Наташа, Наташа, деб бақирдим, аммо у кўзларини очмади".
Энг кўп зарар Киев вилоятида қайд этилган. Минглаб одамлар метрополитендан бошпана излашга мажбур бўлди.
Украина армиясига Ғарб танклари етказиб берилгани ҳақидаги хабарлардан сўнг Россия оммавий ҳужумни кучайтирди.
Украина Қуролли кучлари Бош штаби маълумотларига кўра, учирилган 59 та қанотли ва бошқариладиган ракеталардан 47 таси йўқ қилинган.
Киев, Одесса, Винница вилоятларида энергетика инфратузилмаси объектларининг ишдан чиқиши сабабли электр энергиясига уланишда муаммолар юзага келмоқда.
Киев мэри Виталий Кличконинг айтишича, 55 ёшли бир киши Голосеевский туманида ракета ҳужуми оқибатида ҳалок бўлган. Яна икки ярадорга шифокорлар ёрдам кўрсатган.
Мамлакатнинг аксарият ҳудудларида ҳаво ҳужуми 4 соат давом этди, тушга яқин расмийлар аста-секин ҳудудларда ташвиш сигналларини тўхтата бошлади.
Воқеалар ривожи
Пайшанба куни Украина ҳукумати мамлакатнинг аксарият қисмида ҳаво тревогаларини эълон қилди, эрталаб эса минтақалар аҳолиси эҳтимолий ракета ҳужумлари ҳақида хабар берган. Биринчи огоҳлантиришлар Днепропетровск вилоятидан келди.
Маҳаллий ҳокимият органларининг хабар беришича, 26 январга ўтар кечаси Россия армияси Эрон учувчисиз парвоз қурилмалари воситасида Украинадаги нишонларга ҳужумларни қайта бошлаган.
Украинанинг йирик шаҳарларида электр таъминотида фавқулодда узилишлар қўлланила бошланди, деб хабар берди ДТЕК энергетика компанияси.
Ҳаво ҳужумлари ҳақида Одесса вилояти, Кривой Рог, Киев ва Днепр ҳукуматлари ҳам хабар берган. Разведка маълумотларига кўра, Украина ҳудудига самолёт ва кемалар ёрдамида йирик ракета ҳужуми режалаштирилган.
Кировоград ва Черкас вилоятларида, шунингдек, жамоат транспорти бутунлай тўхтатилган Одессада фавқулодда ўчиришлар кузатилди. Винница вилояти устидаги ҳаво ҳудуди, ҳарбий маъмурият бошлиғи Сергей Борзов Украина Қуролли Кучлари назорати остида қолгани сабабли ҳаво мудофааси тизими ишлаб турган.
Украина Қуролли кучларининг расмий вакили Юрий Игнатнинг сўзларига кўра, Украина ҳаво ҳудудида Россия армияси арсеналидан энг кучли қанотли ракеталарни олиб юришга қодир олтита Ту-95 стратегик бомбардимончи самолётлари пайдо бўлди.
Портлаш товушлари эшитилган Одесса вилоятида ва (тахминан соат 10 ларда) Киевда ҳужумлар содир бўлди. Баъзи ҳолларда, масалан, Житомир вилоятида, маҳаллий ОВА раҳбари Виталий Бунечконинг сўзларига кўра, Украина Қуролли Кучлари ҳарбийларининг ҳужуми ортидан портлаш овозлари эшитилган.
Беларус ҳудудидан бир нечта ҳарбий самолётлар учирилгани хабар қилинган. Хусусан, гап МИГ-31 қирувчиси (у "Кинжал" ракеталари билан жиҳозланган бўлиши мумкин) ва узоқ радиолокацияга эга самолёт ҳақида бормоқда.
26 январдаги ҳужумлар Германия Украинага 14 та Леопард-2 танкини етказиб беришга рози бўлганидан кейин содир бўлди, бу эса НАТОга аъзо бошқа мамлакатларга яқин келажакда ушбу танклар арсеналларини Украина Қуролли Кучлари ихтиёрига топшириш имкониятини очиб берди.
Бу ҳаракат Украинага оғир қуролларнинг етказилишини “ўта хавфли” эскалация сифатида кўраётган Кремлда катта душманлик кайфияти билан кутиб олинди. Кремлнинг фикрича, Украинага қуроллар берилмаслиги керак. Бу можарони чўзиб юборади ва Украинанинг таслим бўлишига тўсқинлик қилади.
