Саудия Арабистони 34 давлатда ифторлик дастурини йўлга қўяди, дея хабар беради Саудия Арабистони матбуот агентлиги якшанба куни.
Дастур 2 апрелдан бошлаб Рамазон ойида мусулмонлар учун ифторлик қилишни мақсад қилган. Ундан 1,2 миллионга яқин киши фойдаланиши кутилмоқда.
Ислом ишлари, мурожаат ва ҳидоят вазирлиги Саудия Арабистони элчихоналари ва вазирликнинг ислом марказлари билан келишилган ҳолда дастурнинг эҳтиёж ва талабларга қараб барча қитъаларни қамраб олиши учун барча зарур чораларни кўрди.
Ислом ишлари вазири Шайх Абдуллатиф ал-Ашайх муборак ойда Ислом ва мусулмонларга хизмат қилувчи хайрия лойиҳаларини яратишда раҳбарият томонидан қўллаб-қувватланишини таъкидлади.
Ўтган йили COVID-19 профилактика чоралари ва санитария протоколлари туфайли Қироллик ўзининг ифторлик дастури орқали фақат 16 давлатга ёрдам бера олди.
