Саудия Арабистонида йигирма йиллик танаффусдан кейин 900 йиллик тарихга эга “Атавла” масжиди қайтадан очилди. Бу ерда реконструкция ишлари олиб борилди.
Ушбу масжид Баҳа шаҳри шимолидан 30 километр узоқликдаги Атавла қишлоғида жойлашган. Масжид деворлари турли шакллардаги тошлардан барпо этилган, томи эса арча шохлари билан ёпилган. Масжиднинг майдони 300 квадрат метрга яқин бўлиб, 130 кишини сиғдира олади
Saudi Gazette нашрининг ёзишича, “Атавла” масжиди мамлакатдаги тарихий масжидларни реставрация қилиш бўйича валиаҳд шаҳзода Муҳаммад ибн Салмон бошлаган лойиҳа доирасида таъминланди. Атавла қишлоғида йигирма йил аввал замонавий масжид қурилгач, тарихий масжид қаровсиз ҳолга келиб қолган эди.
