Бирлашган Миллатлар Ташкилоти молиявий назорат хизмати 2021 йилда энг кўп гуманитар ёрдам кўрсатган давлатлар рўйхатини эълон қилди.
Унга кўра, 2021 йилда 10,6 миллард доллар гуманитар ёрдам ажратган АҚШ энг саховатпеша мамлакат сифатида қайд этилган. Иккинчи ўринни эгаллаган Германия эса 2,8 миллиард долларни гуманитар ёрдам учун сарфлаган. Шунингдек, ислом дунёсида камбағал давлатларга энг кўп гуманитар кўмак юборган биринчи мамлакат ўлароқ қайд этилган Саудия Арабистони умумий рўйхатда учинчи ўринни эгаллаган.
БМТ молиявий назорат хизматининг ҳисоботига кўра, Саудия Арабистони 2021 йилда 1,26 миллиард доллар миқдорида гуманитар кўмак кўрсатган. Ушбу маблағнинг асосий қисми 2014 йилдан буён фуқаролик уруши давом этаётган қўшни Яманга ажратилган. Бундан ташқари Саудия Арабистони Покистон, Иордания, Бангладеш ва бошқа мамлакатларга ҳам ёрдам берган.
