Telegram каналимизга аъзо бўлинг
Янгиликлар

Саудия шаҳзодаси Қошиқчи жинояти бўйича масъулиятини тан олди

2743

Саудия Арабистони валиаҳд шаҳзодаси Муҳаммад ибн Салмон журналист Жамол Қошиқчининг ўлдирилиши бўйича масъулиятини эътироф этди. Бу ҳақда Американинг PBS телеканалида намойиш этилиши мўлжалланган Frontline кўрсатуви анонсида айтиб ўтилди.

Журналист Мартин Смит тайёрлаган кўрсатув биринчи октябрда эфирга узатилади. Унда валиаҳд шаҳзода билан 2018 йилнинг декабрида Риёзда бўлиб ўтган суҳбат кўрсатилади. Анонсда айтилишича, Муҳаммад ибн Салмон илк бор Жамол Қошиқчининг ўлдирилиши ҳақидаги саволларга жавоб берган.

“Бутун масъулият менинг зиммамда, чунки бу воқеа менинг бошқарувим пайтида юз берди”, – деб айтган шаҳзода.

“Сизнинг хабарингиз бўлмаган ҳолда бундай қотиллик юз бериши мумкинми?” деган саволга жавобан валиаҳд шаҳзода Саудия Арабистонида 20 миллион аҳоли борлигини ва улардан уч миллиони давлат ишида ишлашини айтган. Шундан сўнг журналист давлат хизматчиларининг ҳукумат самолётларидан фойдаланиш ҳуқуқи бор-йўқлигини сўраган. Шаҳзода Салмон эса унинг ишларини юритадиган мулозимлар, вазирлар борлигини, ана ўшалар масъул эканини ва тегишли ваколатларга эгалигини билдирган. 

Саудиялик таниқли журналист, Washington Post нашри билан ҳамкорлик қилиб келган Жамол Қошиқчи ўтган йилнинг иккинчи октябрида Саудия Арабистонининг Истанбулдаги консуллигида ўлдирилган эди. Туркия Бош прокуратураси журналист аввалдан режалаштирилган жиноятнинг қурбонига айланган деган хулосага келди. Журналист консуллик биносига кирганидан кейин бўғиб ўлдирилган ва унинг жасади йўқ қилинган.

УЛАШИНГ:

Теглар:

Мавзуга доир:

Саудия Арабистони ва Ироқ раҳбарлари учрашди

545 11:25 27.06.2022

Қошиқчининг ўлдирилиши: Саудия Арабистони айбловларни рад этди

1517 11:00 27.02.2021

“Қошиқчининг ўлдирилишида Саудия валиаҳд шаҳзодасининг қўли бор”

1564 09:00 27.02.2021

Ибн Салмонни судга берган Саудия разведкасининг собиқ ходими янги сирларни очди

3301 20:40 21.08.2020

Саудия Арабистонида олимларга фуқаролик берилади

1502 14:30 06.12.2019

Саудия Арабистони: валиаҳд шаҳзода танқидлар нишонида

2576 08:00 04.10.2019
« Орқага