Telegram каналимизга аъзо бўлинг
Янгиликлар

Стокгольмда Ўзбекистон элчихонаси очилади

1164

Кеча, 3 декабрь куни Стокгольм шаҳрида амалий ташриф билан бўлиб турган Ўзбекистон Республикаси Ташқи ишлар вазири Абдулазиз Комилов Европада Хавфсизлик ва Ҳамкорлик Ташкилотининг амалдаги раиси, Швеция Қироллиги Ташқи ишлар вазири Анн Кристин Линде билан учрашув ўтказди.

Абдулазиз Комилов Швеция томонини ЕХҲТдаги муваффақиятли раислиги билан табриклаб, Ўзбекистоннинг мазкур тузилма билан конструктив ва ўзаро манфаатли мулоқотни кенгайтириш тарафдори эканлигини таъкидлади.

Ўзбекистон ва Швециянинг сиёсий-дипломатик, савдо-иқтисодий, маданий-гуманитар ва бошқа соҳаларда икки томонлама муносабатларни ривожлантиришдан бирдай манфаатдор эканлиги тасдиқланди. Бўлажак тадбирлар, шу жумладан, вазирликлараро сиёсий маслаҳатлашувларнинг навбатдаги даврасини ўтказиш жадвали кўриб чиқилди.

Стокгольм шаҳрида Ўзбекистон Элчихонасининг очилиши икки томонлама ҳамкорликни сезиларли даражада жадаллаштиришга хизмат қилиши қайд этилди.

Томонлар Афғонистондаги вазият юзасидан ҳам фикр ва мулоҳазалар алмашдилар.

УЛАШИНГ:

Теглар:

Мавзуга доир:

Пандемия халқаро можароларга туртки берди – эксперт

264 21:34 30.01.2023

Бувижон, мен барибир келаман

679 19:40 30.01.2023

Қуръони карим борасида 25 та ҳақиқат

806 18:40 30.01.2023

Кўнгилли аскарларни Мудофаа вазирлиги таъминлайди

459 17:20 30.01.2023

Washington Post: АҚШ Украинага Абрамс танкларини юборилиши ҳақида маълумот берди

474 16:40 30.01.2023

Покистон масжидида портлаш: ўнлаб киши ҳалок бўлди

441 15:58 30.01.2023
« Орқага