Telegram каналимизга аъзо бўлинг
Янгиликлар

Талабалар учун янги турар жойлар қурилади

1131

Ҳукуматнинг «Республика олий таълим муассасаларида талабаларни турар жой билан қамраб олиш даражасини ошириш чора-тадбирлари тўғрисида»ги 563-сонли қарори қабул қилинди.

Мазкур қарорга кўра, талабалар турар жойлари давлат-хусусий шериклик асосида қуйидаги шаклларда барпо этилади:

  • лойиҳаларни тадбиркорнинг ўз маблағидан келишиладиган шартлар асосида молиялаштириш;
  • лойиҳаларни тадбиркор ва Давлат бюджети маблағлари ҳисобидан аралаш молиялаштириш (камида 200 ўринли турар жойни барпо этиш учун);
  • лойиҳаларни тадбиркорнинг тўлиқ ўз маблағлари ҳисобидан молиялаштириш (камида 400 ўринли турар жойни барпо этиш шарти билан).

Турар жойларни қуриш учун вилоят ҳокимлари томонидан ОТМга 0,5 гектаргача ер унга яқин жойлардан ажратилади. Шунингдек, тадбиркорга тегишли ер ёки бинода камида 50 ўринли турар жой ташкил этиш тизими ҳам жорий этилади. Бунда, тўлов ОТМ билан келишилади ҳамда у ерда яшаган ҳар бир талаба учун тадбиркорга бир ўқув йили учун Тошкент шаҳрида БҲМнинг 10 баравари, бошқа ҳудудларда эса 5 баравари миқдорида субсидия ажратилади.

Эслатиб ўтамиз, 2021 йил 1 сентябрдан талабалар билан ишлаш бўйича «гуруҳ мураббийи» институти бекор қилинди ҳамда ўрнига 1–3-курс талабалари учун муаммоларни бартараф этишда яқиндан ёрдам кўрсатувчи тьюторларни бириктириш амалиёти йўлга қўйилди. Бунда ҳар 120–150 нафар талабага 1 та штат бирлиги ҳисобида «Тьютор» лавозими киритилади.

Қарорга кўра, республика бўйича жами 228 та талабалар турар жойлари (400 ўринли) барпо этилади. Шундан ҳудудларда 2022 йилда 47 та, 2023 йилда 67 та, 2024 йилда 62 та, 2025 йилда 52 та талабалар турар жойларининг қурилиши белгиланган. 

УЛАШИНГ:

Теглар:

Мавзуга доир:

Президент Шавкат Мирзиёев умра ибодатини бошлади

69 01:25 19.08.2022

Саудияда «Vision-2030», бизда «Янги Ўзбекистон». Ўзбек дипломатининг интервьюси

217 18:55 18.08.2022

Араб мувофиқлаштириш гуруҳининг навбатдаги йиғилиши  Тошкентда ўтказилади

174 18:08 18.08.2022

Президент Жидда шаҳрида Ислом ҳамкорлик ташкилоти бош котиби билан учрашди

196 17:41 18.08.2022

Сирдарё: автобусда газ баллони портлади, қурбонлар бор

319 17:15 18.08.2022

Президент Умрада, ҳаяжон Ўзбекистонда!

1024 16:24 18.08.2022
« Орқага