Эронлик нуфузли генерал, Ислом инқилоби муҳофизлари корпусининг “Ал-Қудс” махсус бўлинмаси қўмондони Қосим Сулаймоний 2020 йилнинг 3 январида Суриядан Ироқ пойтахти Бағдодга келган пайтда ўлдирилган эди. 

Операцияни АҚШ ҳарбий-ҳаво кучлари амалга оширди: ракета ҳужумида генерал билан бирга яна тўрт киши ҳалок бўлди. Сулаймонийни ўлдиришга Американинг ўша пайтдаги президенти Дональд Трамп шахсан буйруқ бергани маълум бўлди. Операция ҳақида АҚШ Конгресси ҳам, Ироқ ҳукумати ҳам хабардор қилинмаган. Трамп генерал Сулаймонийни ашаддий террорчи деб ҳисоблаган. 

Сулаймоний бошчидик қилган “Ал-Қудс” махсус бўлинмаси Эроннинг хорижий мамлакатлардаги операцияларини амалга ошириш билан шуғулланган. Генерал Сулаймоний Ироқдан америкалик ҳарбийлар олиб чиқилганган кейин у ерда сиёсий вазиятнинг шаклланшида муҳим рол ўйнаган, 2012 йилдан бошлаб Сурияда Башар Асад ҳукуматига, хусусан, стратегик шаҳарлар ва ҳудудларни исёнчилардан қайтариб олишга ёрдам берган. 

Қосим Сулаймонийнинг ўлдирилиши Эрон ва АҚШ ўртасидаги зиддиятнинг янада кучайишига олиб келди.