Ҳолат юзасидан Соғлиқни сақлаш вазирлиги муносабат билдирди.
Ижтимоий тармоқларда "Damas" русумли тез тиббий ёрдам машинасига ичимлик суви тўлдирилган идишлар ортилаётгани акс этган видео тарқалди.
Аниқланишича, ушбу тасвирдаги давлат рақами 25 106 LAA бўлган "Damas" автомобили Жиззах вилояти Арнасой туманида жойлашган 2-сон оилавий поликлиникага бириктирилган. Воқеа жорий йил 1 август куни, ҳайдовчи Ж.Ш. навбатчилигида содир бўлган.
Ҳайдовчи Ж.Ш. шу куни ўзига бириктирилган тез ёрдам автомашинасида яшаш хонадонига сув олиб борган.
Ҳайдовчи ичимлик сувини поликлиника олдидаги водопровод кранидан олаётган вақтда бинога ўрнатилган видеокамера тасвирига тушган.
Ушбу ҳолат юзасидан олиб борилган ўрганишлар якунида ўз хизмат вазифасига совуққонлик билан қараган Ж.Ш. лавозимидан озод этилган.
