Бир қатор давлатлар AҚШга Кобулдан эвакуация қилинаётган одамларни олиб ўтишда ёрдам таклиф қилди. Бу ҳақда жума куни АҚШ Давлат департаменти матбуот котиби Нед Прайс маълум қилган.

«AҚШ фуқароларининг эвакуация қилинишига Баҳрайн, Дания, Германия, Италия, Қозоғистон, Кувайт, Қатар, Тожикистон, Туркия, Бирлашган Aраб Aмирликлари, Буюк Британия ва Ўзбекистон ё ёрдам беришмоқда, ёки ёрдам беришади», – деган у.

Бундан ташқари, Прайснинг айтишича, бир қатор давлатлар «афғонларни жойлаштириш борасида сахий таклифлар билдирган».

Эслатиб ўтамиз, AҚШ 15 августдан буён Афғонистонда қолишни истамаган маҳаллий аҳоли вакиллари ва чет элликларни эвакуация қилмоқда.