«Толибон» ҳаракати хавфсизлик хизмати Мозори Шарифда бола ўғирловчилар тўдаси тугатилгани ва тўрт нафар вояга етмаган бола озод қилинганини эълон қилди, деб хабар беради Aamaj News.

«Толибон» бу махсус операцияни душанба куни кечаси ўтказган. Уларнинг сўзларига кўра, одам ўғирлаш тўдасида тўрт афғон эркак ва бир ўзбек аёл бўлган. Уларнинг ҳаммаси ўлдирилган.
Бироқ Sputnik Афганистан телеграм канали Афғонистоннинг Aamaj News янгиликлар агентлиги хабарига таяниб, аёлни Ўзбекистон фуқароси деб ёзган.

Azon.uz таҳририяти мазкур масалага аниқлик киритиш мақсадида Ўзбекистон Республикаси Ташқи Ишлар вазирлигига қўнғироқ қилди. Вазирлик матбуот хизмати бундай маълумот мавжуд эмаслиги, аниқлаштириб ТИВ сайтида маълум қилишларини айтди.