Қозоғистон президенти Қосим-Жўмарт Тоқаев яқин кунларда Коллектив Хавфсизлик Шартномаси Ташкилоти (КХШТ) Коллектив хавфсизлик кенгашининг видеоконференция шаклидаги йиғилишини ўтказишни таклиф қилди. 

У мазкур ташаббусни бугун Россия президенти Владимир Путин билан телефон орқали мулоқотда илгари сурди, деб ёзади Kremlin.ru.

Тоқаев Путинга Қозоғистондаги вазият ҳақида батафсил маълумот бериб, унинг барқарорлашув томон ўзгараётганини таъкидлади. У КХШТга кўрсатган ёрдами учун миннатдорчилик билдирди ва эндиликда ташкилотга аъзо давлатлар раҳбарлари ўртасида суҳбат ўтказиш зарурлигини айтди. 

Путин бу таклифни қўллаб-қувватлади. Президентлар доимий алоқада бўлишга келишиб олдилар.