Янгиликлар

Тошкент яқинида советларнинг қаҳрамонига ҳайкал ўрнатилди

3696

Тошкентдаги бутхона, Захарованинг бизнинг ички ишларимизга аралашиши фонида яна бир воқеа юз берди. Бу Тошкент яқинидаги Красногорск шаҳарчасида Фёдор Полетаевга қўйилган бюст. Фёдор Полетаев ким, унинг Ўзбекистонга нима алоқаси борлигини ҳозир кўриб чиқамиз.

Ҳайкал қўйишга лойиқ зот ким экан, деб қизиқсангиз, айтиб қўяй: унинг Ўзбекистонга ҳеч қандай алоқаси йўқ. Тошкент вилоятининг Красногорск шаҳарчасини бойитган бу “маданий ёдгорлик” Россиянинг аллақайси қишлоғида туғилган Фёдор Полетаевнинг кўрсатган “каромати” – Иккинчи Жаҳон урушида қатнашгани, немисларга асир тушгани бўлган. Асирликдан қочиб Италияда ҳалок бўлган. Қабриям Италияда. Унинг яна бир қаҳрамонлиги 1944 йилда “Туркистон легиони”га қарши урушиб кўпдан-кўп Марказий осиёликлар: ўзбек, қозоқ, қирғиз ва тожикларнинг ўлимига сабаб бўлган.  

Ўзи Красногорск (ном ҳам русча, балки ўзгартириш керакдир) шаҳарчасида совет даврида Полетаевга 1970 йилда қурилган ҳайкал бўлган. Бунга сабаб ўша жойдан совет давлати олтин, уран каби бойликларимизни ярим аср талаб, Россияга ташиган. Аҳолининг ҳам кўпчилиги Россиядан кўчиб келганлар бўлган. Балки шунинг учун ҳам совет ҳукмронлиги пайтларида ҳайкалга асос солингандир. Ёдгорлик 2014 йилда эскириб, нураб кетгани ва одамларга хавф солгани учун олиб ташланган эди.

Фёдор Полетаевнинг юртимизга юқорида айтилганидек, ҳеч қандай алоқаси йўқ: на бу ерда туғилган, на яшаган. Ўзбекистон деган жой борлигиниям билганига шубҳа бор. Ҳайрон қолганим, майли совет даврида-ку русларнинг ҳукмронлиги билан ҳайкал қўйилгандир. Лекин ҳозир, салкам 30 йиллик истиқлолдан сўнг бизга ёт одамларни яна эслаб ҳайкал қўйишнинг нима кераги бор?! Ёки бизнинг Россиядан тили қисиқ жойимиз борми?

«Буларнинг авлоди бизни роса сўкади-да»

Рамзлар мамлакати

Ўша Полетаевга ҳайкал қўйишга кетадиган пулга халққа фойдали бирор иншоот қурилса бўлмасмиди? Ҳеч бўлмаса, ўша жойдаги қўли қисқароқ аҳолига хайрия қилинса ҳам бундан кўра аълороқ бўларди. 

Ҳа, айтганча, Ташқи ишлар вазирлиги ҳалиям Захаровага муносабат билдирмадими?

Ёқуб Умар

УЛАШИНГ:

Теглар:

Мавзуга доир:

Ғафур Ғулом номидаги боғ бузилмайди

749 20:42 11.07.2020

Тошкентда тарқалган бадбўй ҳид сабаби аниқланди

1751 10:59 09.07.2020

Пойтахтдаги яна бир маскан шубҳали тарзда "бериб" юборилди...

3094 09:40 08.07.2020

Тошкентдаги бадбўй ҳид қаердан келди?

1528 05:27 08.07.2020

"Абу Сахий" савдо маркази карантинга ёпилди

654 16:00 07.07.2020

Янгийўлда ИИБ майори 10 минг доллар пора олаётганда ушланди  

791 14:16 03.07.2020
« Орқага