Юртимизда бугунги кунда дунёнинг кўплаб кўзга кўринган тадбиркорлари ва инвесторлари билан ҳамкорликлар йўлга қўйилган. Бу тадбиркорлар ўз навбатида бир қатор хайрли ишларни ҳам амалга оширмоқда.
Жумладан, Рамазон ойи арафасида Туркиянинг кўнгилли турк тадбиркор ва инвесторлари, I даражали “Саломатлик” ордени соҳибаси Филиз Эрдоган ҳамда “Alles Sağlık Group” фирмаси раҳбари Меҳмет Айдин Тошкент вилоятининг Оҳангарон шаҳридаги 7-имконияти чекланган болалар ихтисослашган мактабига хайрия тариқасида зарур бўлган ногиронлик аравачалари ва мактаб кутубхонаси фондини бойитиш мақсадида турли китоб ва адабиётларни беғараз тақдим қилди.
Бундан ташқари, Ўзбекистоннинг Шанхайдаги Бош консулхонаси Хитойнинг “Wuxi Yushun Metallurgical Technology Co., Ltd.” компанияси билан ҳамкорликда консулликка бириктирилган Оҳангарондаги тегишли ташкилотлар учун стационар компьютерларни ҳадя қилган.
