1000 нафар аъзо Мерал Акшенер бошчилигидаги “Яхши” партиядан  чиқиб, Туркиянинг ҳукмрон Адолат ва тараққиёт партияси сафига қўшилди.

Кеча Туркия парламентида бўлиб ўтган АКП парламент блоки йиғилишида Президент Ражаб Тоййиб Эрдоған уларни кутиб олди.

Эрдоған АКП нишонини Анталия шаҳар кенгаши аъзоси Юнус Акпинар ва «Яхши партия»нинг 1000 нафар аъзоси билан бирга истеъфога чиққан ҳуқуқшунос Эмил Ўзденга топширди.

Истеъфолар президентликка номзод Кемал Қиличдорўғлининг курдпараст Халқ Демократик партияси раҳбарлари билан ўтказган учрашувидан сўнг норозиликдан келиб чиққан. Халқ Демократик партияси  президентликка ўз номзодини кўрсатмай, Қиличдорўғлини сўзсиз қўллаб-қувватлаган.