НАТО Бош котиби Йенс Столтенберг Туркиянинг географик ва стратегик жиҳатдан муҳим давлат ва иттифоқдош давлат эмас, балки барча иттифоқдош давлатлар учун муҳим давлат эканлигини таъкидлади.
Столтенберг Швейцариянинг Давос шаҳрида бўлиб ўтган Жаҳон Иқтисодий форумида "Европанинг хавфсизлиги" номли йиғинда сўзлади.
Столтенберг Россия-Украина урушида НАТОнинг иккита миссияси борлигини билдирди: "Биринчидан, Украинани қўллаб-қувватлаш. Мен Украина халқи, Украина қуролли кучлари ва сиёсий раҳбариятига қойил қолдим. Иккинчидан, бу урушда Украинани қўллаб-қувватлаш мажбуриятимиз бор", деди.
НАТО иттифоқчиларининг 2014 йилдан бери Украинани қўллаб-қувватлаб келаётганига диққат қаратган Столтенберг мамлакатни қўллаб-қувватлашнинг ўзига хос хавфсизлик сабаблари борлигини таъкидлади.
Столтенбергнинг қайд этишича, Швеция ва Финляндиянинг НАТОга кириши жамоавий хавфсизликни оширади, шунингдек, ЕИ ва НАТО ўртасидаги алоқани мустаҳкамлайди.
Алянс бош котиби Россия аввалроқ қўйган ултиматумда Ғарбдан НАТО блокини кенгайтиришдан бош тортиш кафолатларини талаб қилганини эслатди.
“Россия ўз чегараларида НАТО кучларини камайтирмоқчи бўлди ва уруш бошлади, аммо бугунги кунда Россия Федерацияси чегараларида Алянс кучлари анча кўп. Швеция ва Финляндиянинг НАТОга аъзо бўлиш истаги тарихий аҳамиятга эга. Мен Туркия томонидан билдирилган ташвишли мавзуни муҳокама қилиш муҳимлигини ҳам тан оламан. Буни унутмаслигимиз керак. Ҳеч бир НАТО иттифоқчиси Туркиядан кўра кўпроқ террор ҳужумларидан жабр кўрмаган ва ҳеч ким Туркиядан бошқа ҳеч бир иттифоқчи қочқинни қабул қилмаган. Шунинг учун биз мулоқот столига ўтириб, олдинга йўл топишимиз керак. Ишончим комилки, биз буни уддалаймиз”, деди бош котиб.
Столтенберг Туркиянинг АҚШ, Канада ва Буюк Британия каби узоқ йиллардан бери Украинани қўллаб-қувватлаганини эслатди.
Бош котиб келаси ой Мадридда бўлиб ўтадиган НАТО саммитида “иттифоқчиларни янада хавфли ва рақобатдош дунёга мослаштириш учун дадил қадамлар қўйишига” ишонч билдирди.
