Туркия ҳаво ҳудуди Москва билан маслаҳатлашувлардан сўнг Россиядан Сурияга қўшин олиб кетаётган ҳарбий ва фуқаролик самолётлари учун ёпилди, дея хабар берган Туркия давлат телеканали TRT Haber Ташқи ишлар вазири Мевлут Чавушўғлига таяниб.

Reuters агентлигининг хабар беришича, НАТО аъзоси Туркия ҳам Россия, ҳам Украина билан яхши муносабатларга эга ва улар ўртасидаги урушда воситачилик қилишга интилмоқда. 

Чавушўғли Уругвайга учаётган самолётда журналистларга «Россия ҳарбий самолётлари ва ҳатто Сурияга учаётган, аскарларни олиб кетаётган фуқаролик самолётлари учун ҳаво ҳудудини ёпдик» деган. Унинг айтишича, апрелгача уч ойга рухсат берилган эди, кейин парвозлар тўхтатилган.

Унинг айтишича, Россия ва Украина ўртасида музокаралар давом этмоқда ва томонлар қўшма декларация лойиҳаси устида ишламоқда.

Чавушўғлининг айтишича, агар музокараларда муваффақиятга эришилса, Россия президенти Владимир Путин ва Украина президенти Владимир Зеленский учрашув Туркияда бўлиши мумкинлиги ҳақида келишиб олишган.