Мамлакатимизнинг Истанбулдаги Бош консулхонаси ва Туркиядаги ўзбек аёллари ҳақ-ҳуқуқларини ҳимоя қилиш мақсадида тузилган “Özbek Kadın Hakları Derneği” ташкилоти ўртасида ўзаро ҳамкорлик меморандуми имзоланди.
Ўзаро ҳамкорлик натижасида қисқа вақт ичида фаол фуқароларимиз кўмагида 30 дан ортиқ хотин-қизга манзилли ёрдам берилди. Хусусан, одам савдоси қурбонига айланган 10 нафар ватандошимизни Ўзбекистонга қайтиши, Туркияда маошини ололмаётган 5 нафар аёлнинг иш ҳақи ундирилиши, Истанбул шифохоналарида даволанган 2 нафар беморни юртимизга жўнатиш, кўчада қолган 4 нафар юртдошимизни вақтинчалик иш жойи билан таъминлаш ва бошқа масалалар бщйича зарур кўмак кўрсатилди.
Томонлар амалдаги ҳамкорликни янги ҳуқуқий босқичга олиб чиқиш, ўзбек хотин-қизлари мавқеини юксалтириш мақсадида тегишли ишлар режасини белгилаб олди.
