АҚШнинг Туркиядаги элчихонаси ва консулликлари АҚШнинг арманларнинг геноцидини тан олганлиги муносабати билан душанба ва сешанба кунлари эҳтимолий норозилик намойишлари сабабли "эҳтиёт чораси" сифатида ёпилишини эълон қилди.
“Эҳтиёт чораси сифатида АҚШнинг Анқара элчихонаси, АҚШнинг Истанбул бош консуллиги, Аданадаги АҚШ консуллиги ва АҚШнинг Измир консуллик агентлиги 26 апрел душанба ва 27 апрел сешанба кунлари АҚШ фуқаролари учун кунлик хизмат ва виза ёрдами учун ёпиқ бўлади” дейилади элчихона пресс-релизида.
Фавқулодда ёрдамга муҳтож бўлган АҚШ фуқароларига дипломатик идораларга телефон ёки электрон почта орқали мурожаат қилиш тавсия этилади. Дипломатик хизмат, шунингдек, АҚШ фуқароларига АҚШ ҳукумати бинолари атрофидаги жойлардан узоқ бўлишга ва "америкаликлар ёки чет элликлар тўпланиши мумкин бўлган жойларда жуда эҳтиёт бўлишни", маслаҳат берган.
