Турк ҳарбий шифокорлари томонидан Триполида очилган шифохона бир ярим йил ичида 30 мингдан ортиқ беморга хизмат кўрсатди. 

Mitiga Rol 2 касалхонаси бош шифокори полковник Ҳасрат Тўпач Онадўли ахборот агентлигига берган интервюсида тиббиёт муассасаси 14 хил ҳудудда кечаю кундуз хизмат кўрсатаётганини айтди.

2020 йил 28 январдан бери 600 нафардан ортиқ ливияликлар Mitiga Rol 2да стационар даволанди, 30 000 га яқин одам амбулатория муолажалари билан чекланди. Бу вақт ичида шифокорлар 385 дан ортиқ турли операцияларни амалга оширди. 

– Шифохонамизда кўриклар энг замонавий асбоб-ускуналар ёрдамида амалга оширилмоқда. Бу магнит-резонанс ва компьютер томографиясига ҳам тегишли”, - дейди бош шифокор. 

Шифохона маъмурияти вакили Уфук Олтинсойнинг айтишича, тиббиёт муассасасида 11 та хона мавжуд бўлиб, ётоқда ётган беморлар учун 22 ўрин, биокимёвий ва микробиологик лабораториялар билан таъминланган. 

Касалхона Туркия ва Ливия ҳукуматлари томонидан имзоланган “Хавфсизлик ва ҳарбий ҳамкорлик бўйича ўзаро англашув меморандуми” доирасида ташкил этилган.