Baykar Technologies Украинада украина двигателлари ва эҳтиёт қисмлари билан Bayraktar зарба берувчи дронларини ишлаб чиқарадиган компания ташкил этди.
Бу ҳақда Украинанинг Туркиядаги элчиси Андрей Боднар маълум қилган. Унинг сўзларига кўра, Baykar Technologies нафақат Bayraktar ишлаб чиқариш учун компания яратган, балки завод қуриш учун ер майдони ҳам олган. Корхона лойиҳаси аллақачон тайёр.
Июл ойи охирида Украина бош вазири Денис Шмигал қурилиш ишлари 2022 йилда бошланишини эълон қилди. Кейинги ўн йил ичида ишлаб чиқаришни ташкил этиш учун 95 миллион доллардан ортиқ сармоя киритилади. Украина ҳукумати аллақачон икки томонлама келишувни ратификация қилиш учун тақдим этган.
Элчининг сўзларига кўра, Украина компаниялари Bayraktar учувчисиз учиш аппаратларини ишлаб чиқариш билан шуғулланади. Улар зарба берувчи дронлар учун двигателлар, эҳтиёт қисмлар ва ғилдираклар етказиб беради.
Андрей Боднар Путин Россияда ҳам шундай завод қуришни таклиф қилгани ҳақидаги маълумотга изоҳ берди. Элчининг таъкидлашича, муҳокама ярим ҳазилдан иборат бўлган. Туркия президенти Ражаб Тоййиб Эрдоған бу таклифга жавобан фақат кулиб қўйгани айтилади.
