Лондон Германияни Киевга замонавий “Leopard-2” танкларини етказиб беришга чақирмоқда. Аввалроқ Буюк Британия ўзининг «Challenger 2» танкларини Украинага топширишга қарор қилган биринчи Ғарб давлати бўлди.
Ҳозирча украиналик аскарлар Британия артиллериясидан кенг фойдаланмоқда, уларнинг таъминоти ҳам кўпайтирилиши ваъда қилинган.
Украина Президенти Ғарб давлатларига янги ёрдам учун миннатдорчилик билдирди; Владимир Зеленский шахсан Ғарб етакчилари билан баъзи етказиб бериш бўйича музокаралар олиб борди.
Украина Президенти Владимир Зеленский:
"Днепрда содир бўлган воқеа, Россия урушда ташаббусни ўз қўлига олишга янги уриниш тайёрлаётгани, фронтдаги жанговар ҳаракатлар табиати мудофаа таъминоти бўйича янги қарорларни талаб қилиши - буларнинг барчаси саъй-ҳаракатларимизни, Украина ва озодлигимизни ҳимоя қилиш учун коалициянинг барча аъзоларининг саъй-ҳаракатларини мувофиқлаштиришимиз қанчалик муҳимлигини таъкидлайди”, деди.
Айни пайтда, юзга яқин украиналик аскарлар АҚШга етиб келди ва улар “Patriot” ҳаво мудофаа тизимидан фойдаланиш бўйича ўқитилиши керак. Киев узоқ вақтдан бери астойдил истаётган ушбу мажмуаларни топшириш бўйича принципиал келишув декабрь ойи охирида эълон қилинган эди. Ва ҳафта бошида Конгресс якуний етказиб бериш муддати фақат Украина зенит ўқотарлари машғулотларни қачон якунлашига боғлиқлигини эълон қилди.
Шу фонда украиналик кўнгиллилар сўнгги кунларда шиддатли жанглар саҳнасига айланган Донецк вилоятидаги Соледар яқинидан тинч аҳолини эвакуация қилмоқда. Хабарларга кўра, хавфсизлик нуқтаи назаридан одамлар тунда олиб чиқилмоқда.
