Telegram каналимизга аъзо бўлинг
Таҳлил

Умра зиёратига борган Марказий Осиё президентлари

1315

Марказий Осиё давлат президентлари раҳбарликдан ортиб, Саудия Арабистонига ташриф буюрган ҳамда Макка ва Мадина шаҳарларида  умра ибодатини амалга оширган.

Ислом Каримов


Ўзбекистоннинг биринчи президенти Ислом Каримов Маккага ташриф буюрган постсовет давлатларининг биринчи раҳбари бўлган. Марҳум давлат раҳбари 1992 йил апрель ойида Маккага борган. Унга марҳум муфтий шайх Муҳаммад Содиқ Муҳаммад Юсуф ҳамроҳлик қилган. Каримов муқаддас Каъбанинг ичига киришга муваффақ бўлган.

Ташриф давомида Саудия Арабистони қироли ва икки Муқаддас масжид ходими Фаҳд бин Абдулазиз Ислом Каримовга каъбапўшнинг бир парчасини совға қилган. Унга олтин иплар билан «Оли Имрон» сурасининг 97-ояти ёзилган. Кейинчалик Ислом Каримов ушбу совғани Имом ал-Бухорий мажмуаси музейига топширган.

Нурсултон Назарбоев 

Қозоғистоннинг биринчи президенти Нурсултон Назарбоев 1994 йилда Ар-Риёзга биринчи сафарида Каъбани зиёрат қилган.

Эмомали Раҳмон

Тожикистон президенти Эмомали Раҳмон икки марта Каъба ичига кириш бахтига мушарраф бўлган. Давлат раҳбари 2005 йил 5 декабрда Саудия Арабистони подшоҳи рухсати билан Каъбага кирган.

Иккинчи ташрифини 2016 йилнинг январь ойида амалга оширган. Президент рафиқаси ва фарзандлари билан Маккага ташриф буюриб, у ерда умра зиёратини адо этган.

Алмазбек Атамбаев

Қирғизистоннинг собиқ президенти Алмазбек Атамбоев 2014 йил декабрида Саудия Арабистонига расмий ташрифи чоғида Макка шаҳрида умра ибодатини адо этган. Ташриф давомида Атамбаев мусулмонларнинг яна бир муқаддас шаҳри Мадинага ҳам ташриф буюрган. У ердаги пайғамбар Муҳаммад алайҳиссалом  масжидини зиёрат қилган.

Сооронбай Жээнбеков

2019 йил декабрь ойида Қирғизистоннинг яна бир собиқ президенти Сооронбай Жээнбеков Саудия Арабистонига ташрифи буюрган. У ўшанда Макка шаҳрида умра зиёратини амалга оширган.

Ота-ўғил Бердимуҳаммедовлар

Туркманистоннинг собиқ президенти Гурбангули Бердимуҳамедов 2016 йилнинг май ойида Саудия Арабистонига ташрифида Маккага борган. У ерда вазирлар ҳамроҳлигида Масжидул Ҳаром масжидидаги муқаддас Каъбани зиёрат қилган.

Шундан сўнг сиёсатчи Мадинага учиб, у ерда пайғамбар Муҳаммад алайҳиссалом масжидини зиёрат қилган.

Туркманистоннинг амалдаги президенти Сардор Бердимуҳамедов яқиндагина — июнь ойи бошида умра зиёратини амалга оширди. Умра ибодатини адо этгач, Сардор Бердимуҳамедовга каъбапўшдан парча совға қилинди.

Қосим-Жомарт Тоқаев 

Қозоғистон президенти Қосим-Жомарт Тоқаев 24 июль куни Макка шаҳрида умра зиёратини амалга оширди. Ушбу Президент Каъбага кириш шарафига ҳам муяссар бўлди.

Эслатиб ўтамиз, жорий йилнинг 17-18 август кунлари Президент Шавкат Мирзиёев икки Муқаддас масжид ходими, Саудия Арабистони подшоҳи Салмон бин Абдулазиз ас-Сауднинг таклифига биноан давлат ташрифи билан ушбу мамлакатга боради. Давлат раҳбари  Маккаи Мукаррама ва Мадинаи Мунавварани зиёрат қилиши кутилмоқда.  

УЛАШИНГ:

Теглар:

Мавзуга доир:

Туркистоннинг қулаши ва оммавий қатағонлар

430 21:05 01.10.2022

Укамни гўдаклигида холам эмизган...

726 20:10 01.10.2022

Ислом оламининг қадимий беш кутубхонаси

386 19:25 01.10.2022

Фиқҳнинг уммат орасида тарқалишига сабабчи бўлган тўрт саҳоба. Саҳобалар даврида фиқҳнинг ҳолати

385 17:55 01.10.2022

Мансур ибн Илёс Шерозий — нейрожарроҳлик асосчиси

298 17:15 01.10.2022

Қозоғистонлик депутатлар: "Россиянинг ўзи «сирпанчиқ» йўлда" 

531 15:55 01.10.2022
« Орқага