Telegram каналимизга аъзо бўлинг
Янгиликлар

Ўзбекистон Президенти глобал ривожланиш масалаларига бағишланган саммитда иштирок этади 

342

Ўзбекистон Республикаси Президенти Шавкат Мирзиёев Хитой Халқ Республикаси Раиси Си Цзиньпиннинг таклифига биноан бугун, 24 июнь куни, “БРИКС плюс” форматидаги Глобал ривожланиш масалалари бўйича юқори даражали мулоқотда иштирок этади.

Хитой томонининг раислигида онлайн шаклда ўтказиладиган тадбирда БРИКС гуруҳи мамлакатлари – Бразилия, Россия, Ҳиндистон, Хитой, Жанубий Африка Республикасининг давлат ва ҳукумат раҳбарлари, шунингдек, Аргентина, Индонезия, Жазоир, Малайзия, Миср, Эрон, Қозоғистон раҳбарлари ҳам иштирок этади. Жами 18 та мамлакат делегациялари қатнашиши кутилмоқда.

Форум кун тартибидан 2030 йилга қадар Барқарор ривожланиш кун тартибини амалга ошириш борасидаги глобал шерикликни мустаҳкамлаш масалалари ўрин олган. Энг аввало, “яшил” иқтисодиёт, юқори технологиялар, инновациялар, рақамлаштириш, транспорт ва логистика, гуманитар алмашинув соҳаларида амалий ҳамкорликни кенгайтиришга алоҳида эътибор қаратилади.

Ўзбекистон Президенти ўз нутқида Барқарор ривожланиш мақсадларига биргаликда эришишда кенг халқаро ҳамкорликнинг устувор йўналишларини кўрсатиб ўтади.

Таъкидлаш жоизки, янги “БРИКС плюс” формати БРИКС гуруҳига аъзо давлатларнинг бошқа етакчи ривожланаётган мамлакатлар билан ўзаро манфаатли ва кўп қиррали ҳамкорлигини йўлга қўйиш мақсадида ташкил этилган.

Форум ўзаро савдо ва инвестицияларни илгари суриш, илғор технологиялар ва билимларни трансфер қилиш, кооперация алоқаларини ва транспорт-коммуникация боғлиқлигини ривожлантириш, хавфсизлик соҳасида конструктив мулоқотни мустаҳкамлашда катта ўрин тутади.

БРИКС мамлакатларида 3 миллиарддан зиёд аҳоли истиқомат қилади, уларнинг ҳиссасига жаҳон ялпи ички маҳсулотининг 25 фоизга яқини, глобал савдонинг қарийб 20 фоизи ва тўғридан-тўғри инвестицияларнинг 25 фоизи тўғри келади.

УЛАШИНГ:

Теглар:

Мавзуга доир:

Президент Шавкат Мирзиёев умра ибодатини бошлади

116 01:25 19.08.2022

 "Тарихнинг номаълум саҳифалари"

232 21:05 18.08.2022

Эшикоға беги

283 20:35 18.08.2022

Илм излаб сафар қилишдаги фазилатлари

217 20:05 18.08.2022

Фашистлар Германияси ва советлар ҳамкорлиги

335 19:35 18.08.2022

Ташқи ишлар вазирлиги Кобулдаги портлаш бўйича баёнот берди

302 18:58 18.08.2022
« Орқага