Мамлакатимизда коронавирус инфекциясининг янги штамми кенг тарқалишининг олдини олиш мақсадида халқаро ва республика даражасидаги экспертлар тавсиялари ҳамда аҳоли мурожаатларини инобатга олиб, COVID-19 га қарши 5 ёшдан 11 ёшгача бўлган болаларни "Pfizer" вакцинаси билан ихтиёрийлик асосида эмлашга рухсат берилди. Бу ҳақда АОКАда ўтказилган брифингда Санитария-эпидемиологик осойишталик ва жамоат саломатлиги хизмати раҳбари ўринбосари Нурмат Отабеков маълум қилди.

"Pfizer" вакцинаси билан 12 ёш ва ундан катта бўлган аҳолини эмлаш учун 0,3 мл эмлаш дозалари ишлатилган бўлса, 5 - 11 ёшдаги болаларни эмлаш учун 0,1 мл доза қўлланилади. Қайд этилишича, болаларни эмлаш уларнинг ота-оналари ёки васийларининг розилиги билан амалга оширилади.

Шунингдек, Нурмат Отабеков эмланган болалар ҳақидаги маълумотлар emlash.uz дастурига киритиб борилишини айтди.