Telegram каналимизга аъзо бўлинг
Янгиликлар

Ўзбекистондан афғон халқига иккита самолётда ёрдам юборилди

1118

Яқинда Афғонистоннинг Хост ва Пактика провинцияларида рўй берган вайронкор зилзила оқибатларини юмшатиш мақсадида дунёнинг турли тарафларидан ёрдамлар юборилмоқда.

Бугун, 25 июн куни Кобулда Афғонистон халқига ўзбек халқи томонидан юборилган инсонпарварлик юкларини топширилди. Бу ҳақда Ўзбекистон ташқи ишлар вазирлиги ахборот хизмати хабар берди.

Хабарда айтилишича, Ўзбекистондан иккита юк самолётида ун, ўсимлик ёғи, консерва маҳсулотлари, оёқ кийимлар ва дори-дармонлар, жами 74 тоннадан иборат инсонпарварлик ёрдами етказилди.

Маросимда сўзга чиққан Афғонистон Муваққат ҳукумати ахборот ва маданият вазири в.б. Хайрулла Хайрхва Афғонистон ҳукумати номидан Президент Шавкат Мирзиёевга, барча дўст Ўзбекистон халқига ушбу оғир ва синовли вазиятда афғон элига кўрсатган бебаҳо ёрдами учун чуқур миннатдорлик билдирди.

Унинг сўзларига кўра, “Ўзбекистон раҳбари бутун дунёга Афғонистон халқига нисбатан беғараз жасорат ва биродарлик муносабати намунасини яна бир бор намоён этди. Бу Президент Шавкат Мирзиёевнинг самимий ва ғоят инсонпарвар эканлигидан далолатдир”.

Алоҳида қайд этилганидек, Афғонистондаги даҳшатли фожиадан сўнг зудлик билан кўрсатилган ёрдам минглаб оддий афғонлар ҳаётини сақлаб қолишга хизмат қилади.

Ўзбекистон ва Афғонистон халқлари ўртасидаги чуқур тарихий-маънавий, маданий-гуманитар алоқаларни таъкидлар экан, Х.Хайрхва мамлакат ҳукумати ушбу ришталарни янада ривожлантиришга интилаётганини таъкидлади.

“Ўзбек замини хазиналари саналмиш қадимий Самарқанд ва Бухоро ислом маданияти марказлари бўлиб келган ва шундай бўлиб қолади, уларни, жумладан, бутун афғон халқи эъзозлайди.

Ишончимиз комилки, Ўзбекистоннинг бундай чинакам самимий кўмаги қардошлик ришталаримизни янада мустаҳкамлаш, халқларимиз ва мамлакатларимиз ўртасидаги яқинлашувга хизмат қилади”, — деди Афғонистон маданият ва ахборот вазири.

Ўзбекистон Президентининг Афғонистон бўйича Махсус вакили Исматулла Иргашев Афғонистонга кўрсатилаётган бу ёрдамнинг биродарлик хусусиятига эга эканини таъкидлар экан, унинг инсонпарварлик мазмунига тўхталди.

Гуманитар юкларнинг Афғонистон халқига етказилиши “афғон халқи учун энг оғир дамларда ҳам афғон заминида доимо тинчлик ва фаровонлик ҳақида ўйлайдиган” Ўзбекистон Президентининг шахсий ташаббуси эканлиги таъкидланди.

(фото: kun.uz)

УЛАШИНГ:

Теглар:

Мавзуга доир:

Пандемия халқаро можароларга туртки берди – эксперт

131 21:34 30.01.2023

Бувижон, мен барибир келаман

478 19:40 30.01.2023

Қуръони карим борасида 25 та ҳақиқат

683 18:40 30.01.2023

Кўнгилли аскарларни Мудофаа вазирлиги таъминлайди

410 17:20 30.01.2023

Washington Post: АҚШ Украинага Абрамс танкларини юборилиши ҳақида маълумот берди

452 16:40 30.01.2023

Покистон масжидида портлаш: ўнлаб киши ҳалок бўлди

425 15:58 30.01.2023
« Орқага