Telegram каналимизга аъзо бўлинг
Янгиликлар

Японияда мусулмон қабристонлари муаммоси кўтарилмоқда

2199

Япониядаги мусулмонлар сони ўсишда давом этмоқда ва 2020 йил охирида тахминан 230 000 кишини ташкил этган, бироқ мамлакатдаги атиги еттита қабристон мусулмонларни ўз динига мувофиқ дафн этиш учун камлик қилмоқда. Бу ҳақда 11 май куни The Asahi Shimbun газетаси ёзмоқда.

Японияда ўликларни кремация қилиш кенг тарқалган. 2019 йилда Японияда вафот этганларнинг 99,97 фоизи кремация қилинган. Бу Францияда 39,01%, Италияда 30,68% ва АҚШда 54,58% дан анча юқори. Жанубий Кореяда бу кўрсаткич 88,01 фоизни ташкил этди, деб ёзади газета.

Мусулмонлар уюшмаси раҳбари ва Ритсумейкан Осиё-Тинч океани университети профессори Хон Муҳаммад Тоҳир: «Мусулмонлар учун кремация қилиниш ўлганларга ҳурматсизликдир», дейди.

Мусулмонлар дафн этиладиган маҳаллий қабристон танқислигидан катта муаммоларга дуч келинмоқда: марҳумларни Япониянинг олис жойларига ёки ҳатто хорижга олиб бориш техник жиҳатдан қийин ва қимматга тушади.

Ассоциациянинг Оита префектурасидаги ҳудудий бўлими диндошлар учун алоҳида қабристон ташкил қилишни сўраган, бироқ маҳаллий аҳоли томонидан қаттиқ қаршилик кўрсатилган, деб ёзади газета. Ташаббусчилар бошқа жойларда ҳам худди шундай норозиликларга дуч келишмоқда.

УЛАШИНГ:

Теглар:

Мавзуга доир:

Украинадаги вазият ва Путиннинг Марказий Осиёга ташрифи

434 21:50 01.07.2022

ИВВ Нукусдаги вазият ҳақида ахборот берди

725 21:45 01.07.2022

Нажосатлар ва уларни поклаш ҳақида (давоми)

166 21:30 01.07.2022

Турк тадбиркорлари Ўзбекистонга қайтмоқда

255 21:00 01.07.2022

Хотира

284 20:30 01.07.2022

Стэнли кубогини олган биринчи мусулмон хоккейчи

247 20:00 01.07.2022
« Орқага