Мамлакатимиз ёшларининг ғоя ва таклифларини эшитиш учун майдон яратиш мақсадида ташкил этилган ёшлар форумининг yoshlarforumi.uz сайтига ёшлар учун исломий телеканал очиш бўйича таклиф жойланди. Унда қайд этилишича, бугунги кунда ёшлар бошланғич диний таълим олиш мақсадида ижтимоий тармоқлардаги турли саҳифалардан маълумот олишмоқда. Ушбу каналларнинг эса ҳаммаси ҳам ишончли ва тўғри диний таълим бермаслиги мумкин. Шу сабаб ёшларга диний билимларни ўргатишга ихтисослашган расмий телеканал ташкил қилиниши бутун халқимизга манфаатли бўлиши таъкидланган.
«Агар бу турдаги телеканални қуллаб-қувватлаш давлат бюджетига оғирлик қилса, MuslimTV ёки AzonTv онлайн телеканалларига рухсат берилишини таклиф қиламиз», – дейилган Анварбек Баҳодиров муаллифлигидаги таклифда.
Айни пайтда ушбу таклифга овоз бериш учун 37 соатдан ортиқроқ вақт қолган. Агар сиз ҳам ушбу таклифга ҳарихоҳ бўлсангиз, ушбу ҳавола орқали кириб овоз беришингиз мумкин. Бунинг учун сайтдан рўйхатдан ўтиш ва «Овоз бериш» тугмасини босишингиз кифоя.
