Telegram каналимизга аъзо бўлинг
Янгиликлар

Зеленский: «Россиянинг ҳаракатлари Украинани қўрқитгани йўқ»

1623

Украина президенти Владимир Зеленский сешанбага ўтар кечаси телевидение орқали чиқишида Россиянинг даъволарига қарамай, Украинанинг халқаро тан олинган чегаралари ўзгаришсиз қолишини таъкидлади. Унинг сўзларига кўра, Россиянинг ДХР ва ЛХР мустақиллигини тан олиши украиналикларни чўчитгани йўқ.

“Биз ўз юртимиздамиз, ҳеч кимдан ва ҳеч нарсадан қўрқмаймиз, ҳеч кимдан қарзимиз йўқ ва ҳеч кимга ҳеч нарса бермаймиз”, – деди Зеленский. Унинг қайд этишича, Украина “тинч ва дипломатик йўл”га содиқ қолмоқда.

Украина фуқароларига хотиржамлик учун миннатдорчилик билдириб, президент “уйқусиз тунлар” ва “тартибсиз ҳаракатлар” учун асос йўқлигини қўшимча қилди. 

Зеленский Украина Миллий хавфсизлик ва мудофаа кенгаши йиғилишида Россиянинг сўнгги ҳаракатларини “давлат суверенитети ва ҳудудий яхлитлигини бузиш” ҳамда “Минск келишувларидан бир томонлама чиқиб кетиши” сифатида баҳолаш мумкинлигини айтди.

Украина президентининг фикрича, Россия раҳбарининг сўнгги қарори аслида 2014 йилдан бери Донбассда бўлиб турган рус ҳарбийларининг мавжудлигини қонунийлаштиришга уринишдир. «Биз тинчликни хоҳлаймиз ва ҳаракатларимизда изчилмиз», – деди Зеленский. Унинг билдиришича, Украина Ташқи ишлар вазирлиги БМТ Хавфсизлик Кенгашига аъзо давлатларга мурожаат қилиб, зудлик билан маслаҳатлашувлар ўтказишни талаб қилган.

«Биз ҳамкорларимиздан аниқ ва самарали қўллаб-қувватлаш қадамларини кутамиз. Ҳозир ким бизнинг ҳақиқий дўстимиз ва ҳамкоримиз эканлигини, ким Россия Федерациясини сўз билан қўрқитишда давом этишини кўриш жуда муҳим», – деди Зеленский.

УЛАШИНГ:

Теглар:

Мавзуга доир:

Украинанинг Испаниядаги элчихонасидаги портлашдан кейин посилкалардан яна бир нечта бомба топилди

259 21:04 01.12.2022

Россиянинг Украинадаги жиноятлари текшириш бўйича трибунал иш бошлайди 

263 17:28 01.12.2022

Германия Украинада 1932-1933 йиллардаги очарчиликни украин халқининг қирғини деб тан олди

408 14:09 01.12.2022

Европа комиссияси: Россия Украинага тажовуз учун жавоб бериши ва зарарни қоплаши керак

281 08:52 01.12.2022

Испаниядаги Украина элчихонасида портлаш уюштирилди

570 18:50 30.11.2022

Бухарестдаги НAТО саммити: «Биз Путиннинг ғалаба қозонишига йўл қўймаймиз»

450 13:40 30.11.2022
« Орқага